E gaʒe akuśen amen, maren amen: Video katar o Garmen
Amari phen e Maja Stelănova thaj amaro phral o Valeri Lekov katar o Saren Kon web portal sas ando gav Garmen, Bulgaria, te mothon amare rromençar. E rroma ande rromani mahala (pero) ći ʒan avri sosθar daran pe katar e gaʒen. E protesturja mamuj e rromen ando Garmen astarde sas jekh masek anglal, khana jekh grupa mate gaʒe pele upre romenθe. O sebepi - jekh rrom muklo sas rromani muzika zorales ando lesqo automobili thaj e gaʒe astarde te akuśen les.
Khana ulo maripe maśkar e gaʒen thaj e rromen, jekh gaʒo astarda te del e puśkasa thaj maj but rroma avile te źutin pe phralenqe. Atoska e gaʒe phende savorrenqe kaj e rromen si doś sosθar von denas ćingar. Akana e rroma katar o Garmen na ʒan te keren buti, na muken pumare ćhaven karing śkola, vi e gaʒikani administracia astarda te peravel lenge khera e bagerençar. Akathe śaj śunen tumen so phenen e rroma katar o gav Garmen pi rromani ćhib.